Nashr yili: 2022 ISBN: 978-9943-7121-9-5 Tili: oʻzbek (kirill) Muqova: yumshoq Betlar soni: 256
Muallif haqida: Mashhur fantast-yozuvchi Gerbert Uells (1866–1946) — koʻpdan koʻp roman, qissa va hikoyalar muallifidir.
Qisqa mazmuni: Kitobda «Vaqt mashinasi» romani va yana oʻnta hikoya keltiriladi. «Vaqt mashinasi» romanining bosh qahramoni — daho ixtirochi oʻzining ajoyib mashinasida 800 000 yil osha sayohat qilib, kelajakda tarallabedod yashaydigan nozik-nihol eloylaru yer osti maxluqlari — morloklarga duch keladi. Ammo-lekin eloylar farovon hayotlari evaziga juda katta xun toʻlaydilar... Hikoyalar qahramonlari esa odamni tezlashtirib yuboruvchi dori oʻylab topishadi, olmos yasashadi, yerning oʻz oʻqi atrofida aylanishini toʻxtatishadi, qoʻrqmay ummon qaʼriga shoʻngʻishadi, vujudlarini oʻzaro almashtirishadi, butun shaharni vabo basillasi bilan zaharlamoqchi boʻlgan qabih kimsaga qarshi kurashishadi, sayyoramizning bir joyida turib, boshqa yarim shardagi orolni koʻrishadi, olmos yutib yuborgan tuyaqush hangomasiga guvoh boʻlishadi, ozish oʻrniga vazn yoʻqotib, parvozlanishadi, moʻjizalar yaratishadi. Buyuk adibning ushbu asarlari endilikda, oradan bir asr oʻtgandan keyin ham hayot va xayolotning uzviy chatishmasi bilan hayratga soladi.