Qisqa mazmuni: Kitobda «Vaqt mashinasi» romani va yana o‘nta hikoya keltiriladi. «Vaqt mashinasi» romanining bosh qahramoni — daho ixtirochi o‘zining ajoyib mashinasida 800 000 yil osha sayohat qilib, kelajakda tarallabedod yashaydigan nozik-nihol eloylaru yer osti maxluqlari — morloklarga duch keladi. Ammo-lekin eloylar farovon hayotlari evaziga juda katta xun to‘laydilar... Hikoyalar qahramonlari esa odamni tezlashtirib yuboruvchi dori o‘ylab topishadi, olmos yasashadi, yerning o‘z o‘qi atrofida aylanishini to‘xtatishadi, qo‘rqmay ummon qa’riga sho‘ng‘ishadi, vujudlarini o‘zaro almashtirishadi, butun shaharni vabo basillasi bilan zaharlamoqchi bo‘lgan qabih kimsaga qarshi kurashishadi, sayyoramizning bir joyida turib, boshqa yarim shardagi orolni ko‘rishadi, olmos yutib yuborgan tuyaqush hangomasiga guvoh bo‘lishadi, ozish o‘rniga vazn yo‘qotib, parvozlanishadi, moʻjizalar yaratishadi. Buyuk adibning ushbu asarlari endilikda, oradan bir asr o‘tgandan keyin ham hayot va xayolotning uzviy chatishmasi bilan hayratga soladi.